Репрентациите на Бугарија, на Грузија и на Гибралтар ќе бидат ривали на Македонија во групата Ц4 на новото, трето, издание на фудбалската Лига на нации.
Натпреварите ќе се играат од јуни до септември во 2022 година. Првото коло е закажано во деновите од 2 до 4 јуни, второто на 5 и 6 јуни, третото од 8-11 јуни, а четвртото од 12-14 јуни. Последните две кола се планирани за септември, петтото од 22 до 24 септември, додека последното шесто коло од 25 до 27 септември.
Победниците во групите ќе обезбедат пласман во Б-дивизијата, додека последнопласираните ќе играат плејаут баражи во март во 2024 година и двата поразени тима ќе се преселат во Д-дивизија.
Ждрепка за Лига на нации – Ц дивизија
Група 1: Турција, Луксембург, Литванија, Фарски Острови
Група 2: С. Ирска, Грција, Косово, Кипар/Естонија
Група 3: Словачка, Белорусија, Азербејџан, Казахстан/Молдавија
Група 4: Бугарија, Македонија, Грузија, Гибралтар