Македонската фудбалска репрезентација попладнево се врати во земјава по трите настапи на Европското првенство. „Црвено-жолтите“ претрпеа три порази во групата Ц од кои два во Букурешт од Австрија (1:3) и од Украина (1:2), а синоќа загубија и од фаворизираната Холандија во Амстердам со 0:4.
Но, тоа не беше пречка за дочек на авионот со фудбалерите и стручниот штаб кој пред малку слета на Меѓународниот аеродром Скопје.
Репрезентативците на скопскиот аеродром беа пречекани од директорот на Агенцијата за млади и спорт, Наумче Мојсовски, претседателот на КФСМ, Перо Антиќ, како и од навивачи.