Спортот во минатото давал голем број примери на роднини како ривали во арените. Таков пример ќе имаме и на претстојните Зимски олимписки игри (ЗОИ) во Пјонгчанг каде американските сестри Мариша и Хана Брент кои ќе настапат на турнирот во хокеј на мраз за две различни селекции. Едната под знамето на Јужна Кореја, а другата под знамето на САД.
Мариша како четиримесечно бебе ја напушти земјата домаќин на претстојните зимски Игри чие, пак, државјанство доби во 2016 година. Целта на потегот беше настап за јужнокорејците во Пјонгчанг. Во меѓувреме почна со изучување на јазикот и за кратко време се стекна со ѕвезден статус во тамошната јавност.
„Ќе биде забавно да се игра против сестра на олимписките игри, но нималку чудно“, вели Мариша.
Нивната врска со Јужна Кореја датура од најрана возраст. Уште како мали нивните родители ги одведоа во камп за проучување на корејската култура.
„Тоа воопшто не ми се допадна, но Хана го обожуваше, па секоја година се навраќавме. Беше смешно. Таа ја засака корејската храна и теквондото што не беше случај и со мене“, додава таа.
Се присетува и на детството и школските денови во кои покрај редовниот образовен процес, не се делеа и во факултативните активности што беа поврзани со спортот. Заедно одеа на гимнастика, на фудбал, на танц, но се пронајдоа во хокеарската игра и останаа дел од неа.
„Бевме најдобри пријателки“, коментира Хана.
Семејството Брент, сепак, ќе биде поделено во поддршката на Олимпијадата во Пјонгчанг. Мајката на Мариша и Хана наведува дека нејзиниот сопруг најверојатно ќе навива за Јужна Кореја како „аутсајдер“ на турнирот, но дека таа ќе навива за двете ќерки во желбата да остварат што подобар резултат на Игрите.