Тирингер падна во Скопје, Ференцварош од врвот на табелата во групата 1. Вардарки триумфираа против бундеслигашот со 36:26 во последното коло од осминафиналната фаза во ракометната Лига на шампиони и како првопласирани во конкуренцијата одат меѓу најдобрите осум најдобри во елитното натпреварување. Во прилог им беше и победата на Будуќност против Ференцварош, во Будимпешта, со 24:23 за симнување на унгарскиот состав од врвот на третото место.
Ирина Дибирова дебитира со победа на клупата на ЖРК Вардар во нејзината тренерска премиера. Поранешната руска репрезентативка и сопруга на вардарецот Тимур Дибиров во четвртокот беше поставена на кормилото на „црвено-црните“ наместо Давид Дејвис кој се враќа во машката екипа.
ЖРК Вардар и Тирингер одиграа едонасочен меч. Домашните ракометарки беа во предност од првата до последната минута и во целост ја оправдаа фаворитската улога по двата врзани пораза од Будуќност и, особено, од Мец во минатиот викенд. Гостинските, пак, немаа капацитет да ја загрозат планираната вардарова прослава и во сите 60 минути беа во подредена улога во СЦ „Јане Сандански“.
Јованка Радичевиќ беше најефикасна на средбата со девет гола, Лузумова постигна седум за поразената екипа.
ЖРК Вардар во четврт-финалето ќе игра со четвртопласираниот тим во групата 1. Во моментот тоа е ЧСМ Букурешт кој утре ќе игра против Есбјерг во Данска. Романките важат за големи фаворитки и со евентуален триумф ќе завршат на третото место што ќе значи дека нареден ривал на македонскиот женски ракометедека би бил Митјиланд.
ЖРК Вардар – Тирингер 36:26 (19:12)
СЦ „Јане Сандански“ во Скопје. Гледачи: 2.500. Судии: Георгиос Панаидес и Мариус Андреу од Кипар
ЖРК Вардар: Лејно, Суслина, Песоа, Радичевиќ 9, Кликовац 1, Херем 3, Мавсар 1, Дамњановиќ 2, Лазович 1, Алтхаус 3, Илјина 1, Пенезиќ 5, Лакрабер 4, Хмимова, Лекиќ 5, Ристовска 1. Тренер: Ирина Дибирова.
Седмерци: 1/2. Исклучувања: 2 минути. Технички грешки: 7.
Тирингер: Екерле, Пинтеа 2, Шмелцер 1, Нидервизер 2, Агилар Диаз 3, Лузумова 7, Енгел 2, Оуте 4, Јакубисова 2, Киедровски 1, Волболд 2. Тренер: Херберт Милер.
Седмерци: 3/5. Исклучувања: 6 минути. Технички грешки: 20.
Лига на шампиони
Група 1, 1о коло
ЖРК Вардар – Тирингер 36:26
Ференцварош – Будуќност 23:24
Астраханочка – Мец 20:28
Табела: ЖРК Вардар 15, Будуќност 14, Ференцварош 14, Мец 10, Тирингер 5, Астраханочка 2.
Група 2, 10 коло
Крим – Митјиланд 21:27
Есбјерг – ЧСМ Букурешт (недела)
Ларвик – Ѓер (недела)