Отповиканата јужнокорејска претседателка Парк Геун Хје је уапсена поради коруција и злоупотреба на службената положба, соопшти портпаролот на сеулскиот Окружен суд.
По маратонското сослушување од 9 часа, судот издаде налог за апеење на поранешната претседателка по обвиненија за мито, злоупотреба на авторитот, принуда и објавување државни тајни, објави АФП.
Обвинителите можат да ја задржат во притвор 20 дена пред официјалното покренување на обвинение.
Парк е осомничена дека кривичните дела ги извршила со блиската пријателка и соработничка.
Повеќе милиони Јужнокорејци поради овие наводи со месеци организираа протести барајќи нејзина оставка. Парламентот во декември гласаше за отповикување на претседателката, а Уставниот суд на 10 март донел конечна одлука за нејзиното отповикување.
Парк ги негира обвинувањата.
Според јужнокорејските закони само поради евентуалнатата пресуда за земање мито таа се соочува со доживотна казна затвор.
Парк Геун Хје политичката кариера ја изгради на конзервативната носталгија за нејзиниот починат татко- диктатор и победи на изборите во 2012 година.