Семејството на Михаел Шумахер ќе наплати 50.000 евра отштета плус правни трошоци од германскиот магазин „Бунте“ поради тврдење дека поранешниот Формула 1 шампион може повторно да оди. Одлуката ја донесе окружниот суд во Хамбург по наодот на медиската комора дека објавата со наслов „Повеќе од божиќно чудо – Михаел Шумахер може повторно да оди“ од декември во 2015 година ја нарушува приватноста на пилотот.
Симона Кефер, судија која го водеше случајот, истакна дека комората ги смета изнесените факти во текстот за невистинити, пишува агенцијата „АФП“. Пресудата се заснова на тоа дека Шумахер во моментот не може да оди, па не можел и во периодот кога бил објавен текстот со спорното тврдење. Семејството на Германецот бараше 100.000 евра отштета, но на магазинот му е наложено да плати двојно помалку и 65 отсто од судските трошоци.
Шумахер не е појавен во јавност по несреќата што ја доживеа на скијање во Франција во 2013 година по што падна во кома, состојба од која се разбуди по извесен период.
Јавноста знае малку детаљи за моментната состојба на Шумахер кој се лекува во својот дом во околината на Женева.