Резултатите од најновата анкета на МЦМС и Телма покажуваат дека граѓаните не сакаат избори. Мнозинство од 58.9 % одговориле дека се против, а 33,5 % да. Нема големи разлики и на поддржувачите и противниците на избори по етничка припадност.
Кога би требало да се одржат изборите?
47 % од испитаниците прифаќаат редовен термин, 25 % сакаат вонредни, што побргу, и со скратени рокови а 16,1 % заедно со претседателските избори.
Довербата во политичарите.
Според оваа анкета, во убедливо водство е Зоран Заев – 21,4 %. Христијан Мицковски е на второ место со поддршка од 7,4 %. Претседателот Иванов – 6,1%; Ахмети 5,7, Села 3,8 , Груевски 2,7 % . Но дури 39,9 % немаат доверба во ниту еден.
Големата поддршка на Заев произлегува од поддршката кај Албанците – со 17,6 % поддршка тој е втор лидер по популарност кај етничките Албанци. Прв е Ахмети 23 % , а трет Села со 16 %.
Речиси 40% од испитаниците Албанци немаат доверба во ниту еден лидер.
Доколку утре има избори за 26,8 % би гласале за СДСМ; 21,5 %за ВМРО-ДПМНЕ, ДУИ е стабилна сo 6,7 %, за Алијанса на Албанците ќе гласаат 3 % а за БЕСА 2,4%.
21,3 % од испитаниците изјавија дека нема да излезат на избори.
ВМРО-ДПМНЕ е водечка партија кај Македонците.30,4 % од испитаниците Македонци одговориле дека ќе ја дадат поддршката на оваа партија, за СДСМ ќе гласаат 25,5%.
Кај Албанците ниту еден не би гласал за ВМРО – ДПМНЕ, а 27.5% отсто од испитаниците најавиле дека поддршка ќе добие СДСМ.
Правда, а не амнестија
Резултатите од најновата анкета на Телма и МЦМС велат дека 66,9 отсто испитаници сметаат дека амнестија не е потребна туку дека е потребно спроведување на правдата. 24,8 % – сметаат дека амнестијата ќе придонесе за политичко помирување.
И Македонците и Албанците се против амнестија. 64 % од Македонците сметаат дека не е потребна амнестија како и 73,8% од Албанците кои го имаат истиот став. За амнестија кај Македонците се 27.9 % и 17,6 % кај Албанците.
Огромно мнозинство од 81,7 % поддржувачи на СДСМ се против амнестија, и само 12,4 отсто – ЗА.
Поделеност кај ВМРО-ДПМНЕ. 47 % сметаат дека амнестија ќе придонесе за помирување, и 47% одговориле дека е потребно спроведување на правдата.
Амнестија за обвинетите и учесниците во настаните од 27 Април во Собранието – 57,8 % се против, 37 % се ЗА.
Мнозинството Македонци и Албанци не се согласуваат со амнестија за 27 Април. 53,2 % Македонци и 67,6% Албанци се против.
Приврзаниците на партиите од македонскиот блок спротивставени. 74,5 % од поддржувачите на СДСМ се против амнестија, 66,7 % од поддржувачите на ВМРО-ДПМНЕ се ЗА.
Дали е потребна амнестија и за предметите на СЈО? Повторно мнозинството се против. 61,6 % не се согласуваат со амнестија, 31,2 % би прифатиле.
Партиски разлики околу амнестија за предметите на СЈО. 56,8% испитаници и поддржувачи на ВМРО –ДПМНЕ би прифатиле а обратно 75,7% од испшитаниците симпатизери на СДСМ сметаат дека тоа е лош потег.
За Договорот од Преспа, поделеност за уставните измени
Мнозинство од 56,5 отсто од испитаниците одговориле дека се согласуваат со продолжување на спроведувањето на Договорот со Грција во Собранието со процесот на измена на уставните амандмани – според најновата анкета на Телма и МЦМС.
Против се 40,8 отсто, а 2,7 отсто не знаат или одбиле да одговорат.
Поддршка на процесот на уставни измени од 92,6 % има кај Албанците. Кај Македонците е поделено – 54,4 % поддржуваат, а 43 % се против продолжување на спроведувањето на Договорот со Грција во Собранието со процесот на измена на уставните амандмани.
Повеќе од половина или 54,4 % ја поддржуваат а 38,2 % не ја поддржуваат одлуката на седумтемина пратеници на ВМРО-ДПМНЕ кои гласаа за почеток на постапката за уставни измени. 7,4 % од испитаниците не знаат или одбиле да одговорат.
Одлуката на седумтемина пратеници на ВМРО – ДПМНЕ има поддршка од мнозинство од испитаниците етнички Албанци – 77,5 %. Кај Македонците ставот е поделен, со 1,3 % разлика. 47,4 % не ја поддржуваат одлуката а 46,1 % се ЗА.
Гледано по партиска припадност дури 71,4 % испитаниците, поддржувачи на ВМРО-ДПМНЕ не се согласуваат со потегот на нивните сопартијци. Од призмата на СДСМ 84% даваат поддршка на потегот на пратениците од опозицијата.