Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Емил Цветанов: Федерацијата работи во интерес на сите клубови и спортисти подеднакво

November 19, 2026

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Квалификации за фудбалското ЕП 2020: Македонија се задоволи со бод во Бер Шева

0
By Нова ТВ on September 5, 2019 СПОРТ
Фото: ffm.mk
СПОДЕЛИ
Facebook Twitter LinkedIn Email
Published: Thursday, September 5, 2019 23:51

Македонската фудбалска репрезентација можеше до три бода на гостувањето против Израел, но се задоволи со еден во петтиот настап во групата Г во квалификациите за Европското првенство во 2020 година. Конечни 1:1 во Бер Шева што остава простор за задоволство, за неизвесност дали ќе биде реализирана победничката мисија во понеделник во Рига за комплетно враќање во игра за второто место на табелата, но и дилема дали уште вечерва требаше да биде поништен еден од двата домашни пораза во јуни.

Момчињата во „црвено-жолта“ комбинација одиграа добро прво полувреме, особено по воведните 15-тина минути. Имаа неколку прилики за гол, но не успеаја да ја испратат топката зад грбот на Марсијано. Барди се обиде во 27. минута, Алиоски се закани по соло контрата во 30. минута и шутираше крај голот, целта не успеа да ја погоди и Несторовски во 40. минута, а Елмас беше осамен и изблокиран во 41. минута.

Второто полувреме почна во знак на израелските фудбалери. Притиснаа и по 10 минути игра поведоа. Даса го мина Велкоски на десната страна, го претрча и Алиоски, нафрли во казнениот простор, а топката во лет ја допре Ристевски и го смени нејзиното движење, Муслиу не пресече, Бејтулаи беше побавен, па меѓу нив се протна Захави и ја затресе мрежата на Димитриевски.

Но, радоста на Израелците кратко траеше. Девет минути подоцна беше досуден прекршок за Македонија од позиција од која можеше да опасно да се нафрли во шеснаесетникот на Марсијано додека Пандев и Трајковски се подготвуваа да влезат во игра. Но, селекторот реши да почека на исходот од прекинот, па да ги направи замените. А, прекинот во 64. минута донесе израмнување. Алиоски упати остра топка пред израелскиот гол, а Адеми го погоди тајмингот за скок и со глава донесе израмнување.

И тука, се чини, е моментот на кој требаше похазардерски пристап. Ангеловски даде знак за одложување на планираните замени наместо да се обиде, додека домашните беа во шок по примениот гол, да ги уфрли и Пандев и Трајковски во потрага по втор. Капитенот влезе пет минути подоцна, пет минути по него на терен втрча и новиот член на Мајорка, но резултатот остана непроменет.

Македонската селекција во последните 15-тина минути го одигра порезервирано и се ориентира на контри, па дури на моменти и „купуваше“ време како при корнерот во судиското продолжение кога изостана нафрлување и се реши на трошење на преостанатите минути. Во меѓувреме и одличната асистенција на Пандев до Елмас кој да шутира, се одлучи да додава пришто шансата отиде во неврат.

Петтото коло во групата Г ќе се комплетира во петок од 20.45 часот со дуелите Австрија – Летонија и Словенија Полска. Веќе во недела (20.45 ч.), македонската репрезентација ќе ` гостува на Летонија во Рига.

Израел – Македонија 1:1 (0:0)

Стадион: „Тото Тарнер“ во Бер Шева. Гледачи: 13.000. Гл. судија: Андреас Екберг. Асистенти: Мемет Кулум и Стефан Халберг (сите тројца од Шведска). Ж. картони: Елхамед, Соломон (Израел); Николов (Македонија). Стрелци: Захави во 55 минута за Израел; Адеми во 64 минута за Македонија.

Израел: Марсијано, Бен Харуш (Кајал 60’), Соломон, Таха, Елхамед, Даса, Начо, Перец, Дгани, Захави, Дабур (Хемед 75’). Селектор: Андреас Херцог.

Македонија: Димитриевски, Ристевски, Велковски, Муслиу, Николов (Трајковски 75’), Алиоски, Барди (Спировски 83’), Адеми, Бејтулаи, Елмас, Несторовски (Пандев 69’). Селектор Игор Ангеловски.

Квалификации за ЕП 2020

Група Г, 5 коло

Израел – Македонија 1:1

Австрија – Летонија (петок, 20.45 ч.)

Словенија – Полска (петок, 20.45 ч.)

Табела: Полска 12 (-1), Израел 8, Австрија 6 (-1), Македонија 5, Словенија 5 (-1), Летонија 0 (-1).

ЕП 2020 Израел квалификации Македонија фудбал
Share. Facebook Twitter LinkedIn Email
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

Почнува смената на власта во Србија: Конститутивна седница на Народното собрание

November 17, 2026

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.