Обединетите нации (ОН) денеска побараа докази за состојбата на кинеската тенисерка Пенг Шуаи, која исчезна откако обвини висок функционер за сексуално злоставување.
Би било важно да имаме докази за тоа каде се наоѓа и дали се чувствува добро. Бараме да се спроведе транспарентна истрага за нејзините наводи за сексуално злоставување, изјави портпаролката на Канцелријата за човекови права на ОН, Лиз Тросел.
Тенисерката Шуаи на 2 ноември, преку социјалните мрежи, објави дека поранешниот кинески премиер Жанг Гаоли сексуално ја злоупотребувал по еден тениски натпревар пред три години.
Пола час подоцна нејзината објава беше избришани, а сите објави и коментари, како и клучни зборови за пребарување, како на пример „тенис“ се блокирани на кинескиот интернет простор. Оттогаш ѝ се губи секаква трага на Пенг Шуаи.