Внатрепартиски избори во СДСМ: До 14 часот гласале 27.248 членови или 47 отсто од активно регистрираните членови

Гласањето на вонредните избори за претседател на СДСМ на сите 194 гласачки места се одвива непречено, без застои во мирна и демократска атмосфера, со почитување на мерките за заштита од коронавирусот.

Според последните информации од Централната изборна комисија, до 14 часот гласале 27.248 членови на СДСМ, односно 47 отсто од активно регистрираните членови.

Гласањето трае до 19 часот. По затворањето на гласачките места и по обработка на пристигнатите податоци, вечерва Централната изборна комисија на СДСМ ќе ги соопшти резултатите за вонредните внатрепартиски избори.