Рускиот претседател Владимир Путин предложи одржување директни разговори со Украина во Истанбул на 15. мај за кои рече дека треба да имаат за цел постигнување траен мир и елиминирање на коренските причини за војната.
Неговата објава е неколку часа откако Кијив и европските лидери повикаа на безусловно 30-дневно примирје што ќе почне в понеделник.
Лидерите на Украина, Велика Британија, Франција, Германија и Полска вчера во Кијив и се заканија на Москва со нови санкции и воена поддршка за Украина доколку Русија не се согласи со предлогот.
Путин рече дека Русија предлага директни разговори со Украина во Истанбул во обид да се „елиминираат корените на конфликтот“ и „да се постигне обновување на долгорочен, траен мир“.
Им предлагаме на властите во Кијив да ги продолжат разговорите што ги прекинаа во 2022 година, и, нагласувам, без никакви предуслови, рече Путин.
Не исклучуваме дека за време на тие разговори ќе можеме да се договориме за некаков нов договор за прекин на огнот“, рече Путин.
Тој ги обвини западните поддржувачи на Украина дека сакаат „да ја продолжат војната со Русија“ и – без да го спомене конкретниот предлог на Украина и Европа за 30-дневен договор за прекин на огнот – ги критикуваше европските „ултиматуми“ и „антируската реторика“.