Во текот на вечерта во Србија повторно се приведени повеќе студенти и граѓани. Полицијата продолжила со разбивање на блокадите, но „граѓанската непослушност“ исто така продолжува со блокирање на неколку локации.
Граѓанската непослушност трае веќе пет дена.
Полицијата доцна синоќа употреби и физичка сила врз студенти пред Правниот факултет во Белград, по што според студентски тврдења, привела четириесетина студенти како и професорка. Полицијата потоа се обиде да влезе во факултетот, но командирите ја спречија во тоа, пишуваат српските медиуми.
Полицијата дојде со возила и ги нападна студентите. Тие се повлекоа кон и во зградата на факултетот, потоа полицијата дури дојде и до факултетот, додека командирите викаа, не влегувајте…Извлекуваа студенти за да ги приведуваат, им ги врзуваа рацете со ленти и лисици и ги тепаа. Ја удираа и поранешната судијка на Врховниот суд која беше таму, изјави за ТВ Н1 познатиот српски новинар Вук Цвијиќ.
Професорот на Медицинскиот факултет, Оливер Стојковиќ, утрово за „ФоНет“ изјави дека четворица студенти, кои беа приведени пред Правниот факултет по полициска интервенција, беа транспортирани во Военомедицинската академија, а еден од нив има скршена клучна коска и можна фрактура на ребро.
Како што објавија студентите на Правниот факултет во блокада на социјалните мрежи, полицијата „се залетала кон студентите кои мирно седеле, потоа полицајците силно удирале на влезната врата од факултетот“. Тие објавија и видеа на социјални мрежи од полициската акција.
View this post on Instagram
Во текот на синоќешните протести во Белград полицијата приведе и неколку средношколци кои исто така повикаа на граѓанска непослушност. Подоцна беа ослободени.
View this post on Instagram
Еден студент од Факултетот за технички науки кој вчера се здоби со тешки телесни повреди додека бил приведуван и потоа ставен во полициско возило, во текот на денов итно ќе биде опериран. Тој им тешки повреди на лицето.
View this post on Instagram
На 1 јули, студентите повикаа на прекин на работата сe додека не се исполнат нивните барања – предвремени парламентарни избори, и отстранување на шаторите поставени пред 3 месеци во центарот на Белград во Пионирски парк и не се ослободат сите уапсени студенти.