Новинарите на Медиа Принт Македонија денеска го продолжија штрајкот. Тие половина од работното не беа бидат во канцелариите, а од утре штрајкот ќе трае шест часа.
Вработените од весниците „Утрински“, „Дневник“ и „Вест“ од компанијата побараа навремена исплата на платите и на придонесите, но од менаџментот немаше средби со вработените ниту пак им ги исполнија барањата.
Новинарите штрајкот го најавија пред две недели, оставајќи му рок на менаџментот да ги исполни нивните барања и да разговараат за плановите на фирмата во иднина, но до дијалог не дојде, па најавите за штрајк се остварија. Штрајкот почна на денот кога се одбележува роденден на Здружението на новинарите на Македонија, кое е формирано на овој ден пред 71 година.
Компанијата „Орка Холдинг“ во петокот соопшти дека бизнисменот Јордан Камчев го продал својот дел од Медиа принт Македонија и сега единствен сопственик останува Срѓан Керим.
Додека новинарите во петокот штрајкуваа, обвинителите и истражителите на СЈО го истражува финансиското работење на МПМ. Од обвинителството на Катица Јанева не откриваат за што станува збор, бидејќи се работело за предистражна постапка.