Брнз во посета на ЦУК: Тим од шумската служба на САД напомош за пожарите

Директорот на Центарот за управување со кризи (ЦУК), Стојанче Ангелов попладнево оствари средба со амбасадорката на САД во земјава, Кејт Мари Брнз.

Целта на средбата, како што информираат од ЦУК била претставувањето на тимот од Шумската служба на САД, што како поддршка од УСАИД на националните напори за справување со шумските пожари, во наредните две недели ќе пружи поддршка на субјектите и на ЦУК на стратешко и на тактичко ниво, но и ќе се програмираат активности за понатамошна соработка.

Од ЦУК потенцираат дека амбасадорката Брнз остварила и средба со членовите на Главниот штаб за управување со кризи, којшто е во постојано заседавање, при што била информирана и за актуелната состојба и справување со пожарите.