Езџан Алиоски ќе биде достапен само за еден меч, Енис Барди ќе биде неизвесен за двата настапа во октомври. Селекторот на македонската фудбалска репрезентација Игор Ангеловски објави список со 23 играчи за претстојните натпревари во квалификациите за Европското првенство во 2020 година. Дарко Велковски воопшто не е земен во предвид за мечевите на 10 октомври против Словенија во Скопје и на 13 октомври против Полска во Варшава поради повреда, во националниот тим се враќаат Стефан Ристовски и Кристијан Тошевски.
„Сами се доведовме во ситуација да се надеваме на висок пласман во групата и убеден сум дека мечот со Словенија ќе биде наш најдобар во квалификациите. Можеме да победиме само ако играме како што знаеме и тимски. Не менуваме многу и сите мечеви ги играме со, речиси, истите фудбалери. Менуваме само кога мораме и имаме повредени. Верувам во овие момчиња“, истакна Ангеловски.
Мечот со Словенија е во четврток (10 октомври) на националната арена „Тоше Проески“ со почеток во 20.45 часот. Три дена подоцна ќе следува и гостување во Полска. Собирот на фудбалерите е закажан во понеделник (7 октомври, 12 ч.) во хотелот „Гранд Плаза“ во Скопје. Македонската репрезентација е четврта на табелата во групата Г со 8 бода колку што има и Израел на петтото место. Лидер по шест одиграни меча е Полска со 13 бода, два помалку од Словенија на втората позиција, Австрија е трета со 10.
Список на повикани фудбалери за дуелите со Словенија и со Полска во квалификациите за ЕП 2020
Голмани
Столе Димитриевски (Рајо Валјекано/Шпанија)
Дејан Илиев (Серед/Словачка)
Дамјан Шишковски (Работнички/Македонија)
Одбрана
Висар Муслиу (Види МОЛ/Унгарија)
Егзон Бејтулаи (Шкендија/Македонија)
Кире Ристевски (Ујпешт/Унгарија)
Стефан Ристовски (Спортинг Лисабон/Португалија)
Ѓоко Зајков (Шарлроа/Белгија)
Кристијан Тошевски (Вардар/Македонија)
Среден ред
Енис Барди (Леванте/Шпанија)
Аријан Адеми (Динамо Загреб/Хрватска)
Бобан Николов (Види МОЛ/Унгарија)
Стефан Спировски (Хапоел Тел Авив/Израел)
Езџан Алиоски (Лидс јунајтед/Англија)
Елиф Елмас (Наполи/Италија)
Марјан Радески (Шкендија/Македонија)
Љупчо Дориев (Академија Пандев/Македонија)
Напад
Горан Пандев (Џенова/Италија)
Иван Тричковски (АЕК Ларнака/Кипар)
Илија Несторовски (Удинезе/Италија)
Александар Трајковски (Мајорка/Шпанија)
Крсте Велкоски (Сараево/БиХ)
Влатко Стојановски (Олимпик Ним/Франција)