Апелацискиот суд денеска треба да одлучи за жалбите на Никола Груевски, Гордана Јанкулоска, Миле Јанакиески, Кирил Божиноски и Мартин Протоѓер, сите обвинети во случајот Титаник.
Во петокот на јавна седница пред судиите Лилјана Ивановска Шопова, Сафет Кадрии и Цветанка Периќ обвинетите си ги побараа назад одземените пасоши и ветија дека нема да бегаат. Тие се жалат дека судот им определил престрога мерка. Ги оценија обвиненијата на СЈО како „празни“ и рекоа дека ова обвинителство прави политичка хајка против ВМРО-ДПМНЕ.
Од Специјалното јавно обвинителство, остануваат на барањето за притвор. За нив, Кривичниот суд правилно оценил дека има основ за бегство кај сите обвинети, но погрешил во мерката за обезбедување, затоа што обвинетите можеле само со лична карта да ја напуштат државата, затоа што сите не се јавувале на поканите на обвинителството и затоа што постои опасност да влијаат на сведоци.