Франција е прв четвртфиналист на Светското фудбалско првенство. На отворањето на топ 16 фазата на мундијалот во Русија, „триколорите“ ја совладаа Аргентина со 4:3 (полувреме 1:1) и на 6 јули во Нижни Новгород го чекаат подобриот од вечерашната пресметка меѓу Уругвај и Португалија.
https://www.youtube.com/watch?v=T8LGT4SbtM8
Два гола за француската селекција попладнево постигна Килијан Мбапе во 64. минута и во 68. минута, по еднаш во листата на стрелци се додадоа Антоан Гризман во 14. минута од пенал и Бенџамин Павар во 57. минута. По еден за „гаучосите“ реализираа Анхел ди Марија во финишот на првиот дел (41. минута), Габриел Меркадо во 48. минута и Серхио Кун Агеро во 90. минута, но време за израмнување за тимот на Хорхе Сампаоли за ново провлекување немаше.
Франција – Аргентина 4:3 (1:1)
Стадион: „Казањ арена“ во Казањ. Гледачи: 42,873. Гл. судија: Алиреза Фагани. Асистенти: Реза Сохандан и Мохамадреза Мансури (сите тројца од Иран). Ж. картони: Павар, Матуиди, Жиру (Франција); Отаменди, Рохо, Таљафико, Банега, Маскерано (Аргентина). Стрелци: Гризман 14’, Павар 57’, Мбапе 64’, 68’ за Франција; Ди Марија 41’, Меркадо 48’, Агеро 90’ за Аргентина.
Франција (формација 4-2-3-1): Лори – Лукас, Умтити, Варане, Павар – Погба, Канте – Матуиди (Толисо 75’), Гризман (Фекир 83’), Мбапе (Тован 89’) – Жиру. Селектор: Дидие Дешамп.
Аргентина (формација 4-3-3): Армани – Таљафико, Рохо (Фацио 46’), Отаменди, Меркадо – Банега, Маскерано, Перез (Агеро 66’) – Ди Марија, Меси, Павон (Меза 75’). Селектор: Хорхе Сампаоли.