Author: НОВА ТВ

Две лица од исто семејство починале откако конзумирале лубеница третирана со инсектицид во Москва, објави БГНЕС, повикувајќи се на Газета.ру. 15-годишно девојче и нејзината 61-годишна баба починале во болница, а мајката (38) останува во одделот за интензивна нега во московската болница. Инцидентот се случил на 9 септември, но дури сега истражителите ја откриваат причината за труењето. Семејството ја купило лубеницата од локален маркет на голем трговски ланец. Истрагата утврдила дека вработен во компанија за дезинфекција и дезинсекција ненамерно испрскал лубеници додека нанесувал средство против лебарки. Плодовите биле чувани веднаш над подот, со што се прекршени правилата на продавницата. Лицето што…

Полицијата денеска во дебарско пресече меѓународен транспорт на дрога и заплени марихуана вредна околу 70.000 евра, дознава МИА од извори во истрагата. Според истите извори, приведени се три лица. Од МВР потврдуваат дека имало акција, но детали најавуваат за утре.

Мал авион од типот Цесна 172 вечерва исчезна во морскиот дел во близина на грчкиот остров Самос, а според првичните информации од Грција полетал од Израел и над островот му се губи трагата, а во тек е операција за пронаоѓање, јави дописничката на МИА од Атина. Станува збор за приватен израелски авион со четири седишта, а засега е непознат бројот на патниците што се превезувале, ниту пак дали Самос била нивната крајна дестинација. Според локалните медиуми од островот, како и според грчката државна телевизија ЕРТ, авионот паднал во морето, а веќе биле пронајдени две безживотни тела, иако се уште нема…

Ќе бидат потребни четири месеци за германскиот енергетски регулатор да го официјализира „Северен тек 2“, пишува Ројтерс. Пред неколку дена, Газпром објави дека гасоводот е целосно завршен и дека првите испораки може да се извршат веќе на 1 октомври. На 8 септември, германската агенција ја доби целосната документација за проектот, а откако регулаторот ќе ја заврши инспекцијата на проектот, нацрт-одлука за издавање лиценца за работа на гасоводот ќе биде испратена до Европската комисија. Германската агенција мора прво да се увери дека „Северен тек 2“ е во согласност со европските правила. Едно од нив е дека сопственикот на мрежата и добавувачот…

Познати се последните два патника во четвртфиналето на Европското одбојкарско првенство, откако Чешка вечерва приреди големо изненадување совладувајќи ја Франција со 3:0, а претходно денеска Словенија беше подобра во соседското дерби против Хрватска со 3:1. Првите четвртфинални дуели се на програмата утре кога Холандија за противник ја има Србија (17:30 часот), додека кодомаќинот Полска ќе игра против Русија (20:30). Преостанатите две четвртфинални двојки ги сочинуваат Чешка – Словенија и Италија-Германија.

Рускиот претседател Владимир Путин истакна дека многу луѓе околу него се болни со Ковид-19 и не ја исклучи можноста тој самиот наскоро да биде во карантин. Портпаролот на претседателот Дмитриј Песков објасни дека шефот на државата зборува „фигуративно“ за карантинот, пишува рускиот весник „Комерсант“. „Лекарите ја проучуваат ситуацијата … дури и во мојата средина има заболени со вирусот. Треба да разбереме што навистина се случува. Мислам дека и јас наскоро ќе треба да бидам во карантин. Многу луѓе околу мене се болни“, рече Путин за време на разговорот со параолимпијците во Кремљ. Дмитриј Песков објасни дека Владимир Путин фигуративно зборувал…

Импозантен споменик од гранит, подигнат во спомен на жртвите од нападите на 11 септември, бил осквернавен од страна на вандали кои на него напишале „Талибанци“, објави Асошиејтед прес, повикувајќи се на локалните власти. Споменикот, кој се наоѓа во деловниот кварт на градот Гринвил, се состои од две кули, а секоја тежи речиси два тона. „Полицијата го истражува вандализмот извршен вчера наутро. Проценка на штетата се очекува подоцна денеска”, изјави Пол Николс, основач и извршен директор на компанијата што го подигна спомен обележјето, Upstate Granite Solutions. „Овој споменик е израз на нашата загриженост и нашата поддршка за нашите воени, спасувачки и…

Завршниот турнир за 2021 година на кој ќе настапат осумте најдобри тенисерки во светот е преместен од кинески Шенжен во мексиканскиот град Гвадалахара, соопшти вечерва ВТА. Турнирот започнува на 8 ноември, а ВТА не ја соопшти причината за преместувањето на завршницата, додавајќи дека турнирот идната година се враќа во Шенжен. Претходно годинава голем број спортски настапи беа преместени од Кина поради патните ограничувања поврзани со пандемијата на коронавирус. – Одушевени сме поради тоа што завршниот турнир оваа година ќе биде во живописниот град Гвадалахара, изјави извршниот директор на ВТА, Стив Сајмон, напоменувајќи дека Мексико за првпат ќе биде домаќин на…

Германската канцеларка Ангела Меркел денеска во Белград изјави дека косовското прашање мора да се затвори пред Србија да влезе во ЕУ, но дека сите други отворени прашања во процесот на европска интеграција треба да се решат пред тоа. На прашањето дали признавањето на Косово е услов за членство на Србија во ЕУ, Меркел на заедничката прес -конференција со српскиот претседател Александар Вучиќ рече дека „некои прашања ќе бидат решени на крајот на процесот“ на европската интеграција на Србија, јави Бета. – Ова прашање (Косово) мора да се реши со цел земјите -членки на Унијата да одговорат потврдно за пристапувањето на…

Северна Македонија ќе дисеминира знаење на Црна Гора за искористување на средства од ИПАРД и воведување на ИАКС систем, информираат од Агенцијата за финансиска поддршка во земјоделството и руралниот развој (АФПЗРР). Ова е еден од заклучоците од денешната средба на директорот на Агенцијата за финансиска поддршка во земјоделството и руралниот развој, Никица Бачовски со црногорскиот министер за земјоделство Александар Стијовиќ и државната секретарка за земјоделство Николина Мишниќ. Како што пренесуваат од АФПЗРР, на состанокот се разговарало како двете институции да обезбедат меѓусебна соработка и заемно да си помагаат во насока на развој и јакнење на административната структура и зголемена апсорпција…

Министерството за култура го назначи Боби Ѓошиќ за в.д. директор на Центарот за култура „Антон Панов“ во Струмица, откако на 8 јули годинава Управниот суд го поништи огласот за избор на директор од декември лани. Веста за МИА ја потврдија од Центарот за култура. Ѓошиќ е вработен во оваа установа и до изборот на нов директор ќе раководи со неа. Лани Министерството за култура го именуваше Васил Бубев за директор, откако на конкурсот се пријавиле уште двајца кандидати. Тие незадоволни од одлуката на Министерството поднесоа тужба до Управниот суд, која беше прифатена. Изминативе осум месеци, иницијативата „Култура или фискултура“, во…

Новиот американски пратеник за Западен Балкан и за дијалогот меѓу Белград и Приштина, Габриел Ескобар, изјави дека САД имаат многу јасна цел да го направат целиот Западен Балкан дел од Европската унија, каде што му е географското, историското и културолошкото. Според него, Унијата со проширувањето во регионот може само да има полза. Ескобар, кој го наследи Метју Палмер како заменик помошник државен секретар за бирото за Азија и Евроазија и пратеник за Западен Балкан, рече дека САД ќе работат со ЕУ за да ги убедат сите страни дека тоа е единствениот правилен пат. На панелот организиран од Бриселскиот центар за…