Австрискиот министер за здравство, Волфганг Микштајн препорача повторно враќање на работа од дома поради зголемениот број на заразени со коронавирусот во земјата.
Микштајн за дневниот весник „Клајн цајтунг“ изјави дека сега е важно да се ограничат контактите што е можно повеќе, па затоа смета дека и покрај сегашните „3G“ правила за работното место, кои дозволуваат само вакцинирани, излечени од ковид19 или негативно тестирани, најдобро е сите деловни активности да се пренасочат кон домот.
Препорачувам работа од дома каде што е можно, рече тој.
Австрискиот парламент треба да усвои финансиски стимулации за работа од дома. Од идната година би требало да е можно отпис на 1.200 евра паушал од данокот, дури и ако лицето нема посебна работна соба за работа од дома.