Американскиот претседател Џо Бајден синоќа го бранеше повлекувањето на американските трупи од Авганистан, истакнувајќи оти кризата не претставува неуспех, тврдејќи дека немало подобар начин тоа да се изведе.
На прашање во интервју за „Еј-Би-Си Њуз“ – дали имало грешка во разузнавачките податоци, планирањето, извршувањето или процената довеле до ситуацијата во Авганистан, истакна дека не мисли оти тоа е неуспех.
Имаше влада на Авганистан, лидерот на владата влезе во авион, полета и замина во друга земја. Видовте значителен колапс на авганистанската армија која ја обучувавме. Едноставно тоа се случи, посочи Бајден.
Тој на прашањењто дали повлекувањето можело да се изведе на поинаков начин одговори: „Не“.
Бајден посочи дека хаосот во Авганистан бил неизбежен по повлекување на американските трупи, иако со месеци ветуваше сигурно повлекување.
„Единствена работа за која не знаевме е што ќе направат талибанците, дека ќе се обидат да ги спречат луѓето да излезат. Што прават сега? – Соработуваат, дозволувајќи американските граѓани да излезат. Американскиот персонал заминува, амбасадите заминуваат и така натаму. Но, имаме потешкотии со тие кои ни помагаа додека бевме таму“, посочи Бајден.