Барселона се покажа пресилна за Бетис и без Лионел Меси и Луис Суарез. Аргентинецот и Уругваецот сè уште се недоволно подготвени за настап, па мечот со гостите од Севилја го проследија од ложата на „Камп Ноу“ во друштво на нивните синови. А, имаа и што да видат од своите клупски колеги на теренот.

Фото: mundodeportivo.com

Бетис поведе во 15. минута со погодокот на Набил Фекир по што следува одмазда од Барселона. До одморот израмни Антоан Гризман во 41. минута, а во второто полувреме домашните навивачи да отпоздрават уште четири топки во мрежата на гостинскиот голман Даниел Мартин Фернандез.

Францускиот напаѓач погоди и во 50. минута како најава за пресвртот на „Камп Ноу“ на кого во продолжение се надоврзаа и Карлес Перез во 56. минута, Жорди Алба во 60. минута и Артуро Видал во 77. минута. Две минути подоцна реализира и Лорен за ублажување на убедливиот пораз на Бетис.

Примера, 2 коло

Барселона – Бетис 5:2

Легањес – Атлетико Мадрид 0:1

Мајорка – Реал Сосиедад 0:1

Алавес – Еспањол 0:0

Хетафе – Атлетик Билбао 1:1

Селта – Валенсија 1:0

Реал Мадрид – Валјадолид 1:1

Осасуна – Еибар 0:0

Леванте – Вилјареал 2:1

Гранада – Севилја 0:1

Табела: Севилја 6, Атлетико Мадрид 6, Реал Мадрид 4, Валјадолид 4, Реал Сосиедад 4, Атлетик Билбао 4, Алавес 4, Осасуна 4, Барселона 3, Мајорка 3, Леванте 3, Селта 3, Вилјареал 1, Гранада 1, Еибар 1, Валенсија 1, Хетафе 1, Еспањол 1, Легањес 0, Бетис 0.