Нејмар би можел да заработи плус 4,5 милиони евра, покрај основната плата, доколку ги активира сите клаузули од договорот со ПСЖ. Дел од нив се фудбалски, дел, пак, се толку бизарни што предизвикуваат смеење, потсмев, но и бес во јавноста ако се знае за стапката на сиромаштија што е во постојан пораст.
Пола од сумата отпаѓа на член во договорот што се однесува на влез меѓу тројцата кандидати за наградата „Златна топка“. И тука нема ништо спорно и нефудбалско. Некои од иритантните ставки произлегуваат од тајните документи на платформата „Фудбал Ликс“. Во една од нив е наведена сум од 375.000 евра ако Бразилецот редовно оди да се поздрави со навивачи на трибините по секој меч.
Кавани, пак, кој во Париз игра за основна годишна плата од 14.100.000 милиони евра може да инкасира уште 840.000 евра во случај да го вее клупското знаме кон фанови на „светците“. Ако изгуглате на интернет, ќе наидете на мноштво такви фотографии што влегуваат во критериумите за бонус.