Реал Мадрид е единствениот тим што има 2:0 во четврт-финалето во кошаркарската Евролига. „Кралевите“ и во вториот меч на домашен терен го поразија Панатинаикос, овојпат со 78:63 (по четвртини: 21:8, 14:18, 26:15, 17:22) пред селење на серијата во Атина.
Кошаркарите на Барселона успеаја до брејк во Истанбул за израмнување на 1:1 во дуелите со Анадолу Ефес. Каталонците триумфираа со 74:72 (по четвртини: 19:16, 19:18, 24:25, 12:13) во натпревар со многу пресврти, а победникот го реши Адам Ханга на 30 секунди до крајот. Крунослав Симон се обиде да возврати со тројка, но беше непрецизен во шутот за победа на турската екипа.
Наредните два меча во серијата ќе се одиграат во „Блауграна“ на 24, односно, на 26 април.
Евролига, четврт-финале, втори мечеви
Реал Мадрид – Панатинаикос 78:63 (резултат во серијата 2:0)
Анадолу Ефес – Барселона 72:74 (1:1)
ЦСКА Москва – Басконија 68:78 (1:1)
Фенербахче – Жалгирис 80:82 (1:1)