Европската комисија (ЕК) денес повтори дека очекува “целосно почитување на уставниот поредок на Шпанија”, ден по деклрацијата за независност на Каталонија.

“Комисијата облиску ја следи состојбата во Шпанија и го повторува својот повик за целосно почитување на уставниот поредок на Шпанија”, изјави Валдис Домбровскис, потпретседател на ЕК.

Тој додаде дека ЕК има доверба во шпанските институции и премиерот Рахој кој е во постојан контакт со претседателот на ЕК Јункер.

“Решение мора да биде најдено во рамките не Уставот. Ние ги поддржуваме напорите за надминување на разликите и фрагментацијата за да се обезбеди единство и почит на Уставот”, рече тој.

Каталонскиот претседател Карлес Пудчемонт вчера изјави дека каталонската независноста е одложена и дека регионот бара дијалог со Мадрид.

Декларацијата за независност беше потпишана синоќа во Барселона а потпис ставија сите про-независност пратеници на каталонскиот парламент. Претседателот на каталонската Влада Карлес Пучдемонт смета дека ова е “симболичен акт”.

Во меѓувреме Мадрид се закани со укинување на автономијата на Каталонија доколку прогласувањето независност биде потврдено.