Рафаел Надал и Доминик Тим ќе играат во финалето на АТП турнирот во Барселона, а Енди Мареј ќе мора да причека на втората титула во 2017 година. Најдобриот светски тенисер е елиминиран во полуфиналето на турнирот за нова потврда и од него, како и од Ѓоковиќ, за кризата во која се наоѓа.
Доминик Тим го совлада Британецот со 6:2, 3:6, 6:4 по два часа и 13 минути игра за прва победа во меѓусебните дуели и прв негов скалп од ривал што е водечки на АТП листата. Но, тоа не е се. За првпат ќе игра за трофеј на турнирот и стана прв Австриец што воопшто се пласира во финале по Томас Мустер во 1996 година.
Мареј имаше многу проблеми со сервисот, трипати го загуби во воведниот сет и влезе во негатива по 34 минути. Во вториот успеа да израмни, но целосен пресврт изостана.
Надал, пак, ја оправда фаворитската улога во второто полуфинале. Шпанецот го порази Хорасио Зебалос од Аргентина со 6:3, 6:4 и во утрешното финале ќе игра за јубилејна 10 титула во Барселона.
АТП Барселона
Полуфинале
Надал (Шпанија) – Зебалос (Аргентина) 6:3, 6:4
Тим (Австрија) – Мареј (В. Британија) 6:2, 3:6, 6:4