Browsing: СПОРТ

„Триколорите“ притоа без проблеми се пробија до мечевите за распределба на медалите по убедливите 33:17 против „црвено-жолтите“ во четврт-финалето на СП во Алжир. Утрешниот е слободен ден за составот на Илија Темелковски кој во сабота ќе разигрува со Данска или Русија за пласман на мундијалот

Тракаи славеше со 2:1 во првиот меч од третото коло што македонскиот вицепрвак го заврши со две исклучувања. Директен црвен картон во 57 минута доби Стенио Жуниор, стрелец на единствениот погодок за тетовци во Вилнус, а пет минути подоцна по вторпат во бележникот на судијата од Северна Ирска влезе и Ардијан Цуцули. Двата гола за домашните беа дело на Максим Максимов во првата минута и во 52. Реваншот е во четврток на „Младост“ во Струмица од 17 часот

Тетовци, попладнево (18,30 ч.) на стадионот „ЛФФ“ во Вилнус, му гостуваат на литванскиот претставник во првиот натпревар од двомечот за плеј-оф во УЕФА Европа лигата

„Црвено-жолтите“ ракометни надежи оставија срце на терен и со пресврт во второто полувреме го совладаа Алжир со 24:20 се пробија меѓу осумте најдобри селекции на мундијалот. Мечот со „триколорите“ е закажан за попладнево од 19,30 часот

Македонскиот репрезентативец додаде за водство во 30 минута што хрватскиот претставник не успеа да го сочува во продолжение на средбата. Словенечкиот првак, пак, ќе патува на реванш на Исланд со предност од еден гол по победата на домашен терен над Хафнарфјордур со 1:0

Квартетот Мат Греверс, Лили Кинг, Кејлеб Дресел и Сајмон Мануел исплива до злато за 3:38,56 минути. Второто место го освои Австралија, на делба на третото завршија Канада и Кина. Британецот Адам Пити, пак, стигна до второ злато на мундијалот во Будимпешта

Македонската млада репрезентација вечерва (21,45 ч.) на мегдан со домашната селекција во осминафиналето на мундијалот во Алжир

Еден од најдобрите светски тенисери во моментот потенцира дека воопшто не му било лесно да донесе одлука за пауза што за првпат во неговата кариера ќе трае околу шест месеци. Добра вест во целата ситуација е што операција, барем засега, не е потребна и покрај сериозноста на повредата што е настаната од преоптоварување

Потпис на втората победа во низа на „црвено-црните“ за елитното клупско натпреварување на стариот континент стави Џонатан Балотели во 65 минута. Реваншот е на 2 август во Данска

Србинот го напушта водечкиот квартет за првпат по десет години како последица на повлекување од претстојниот Роџерс купот поради повреда на лактот што, како бранител на титулата, ќе значи одземање на 1.000 бода

Повеќе од половина од Суперлигашите во Кина треба да „измислат“ пари до 15 август за редовно подмирување на обврските кон своите ѕвезди. Во спротивно ќе бидат ифрлени од највисокиот фудбалски ранг во земјата за наредната сезона, но и можна забрана за учество во континенталните натпреварувања. Од нив, покрај тоа, се бараат и гаранции за избегнати на исти или слични ситуации во иднина.

Шпанскиот весник наведува дека „кралевите“ се согласиле да платат 180 милиони евра за 18 годишниот напаѓач од кои 160 милиони веднаш, а 20 милиони преку бонуси. Договорот би се однесувал на шест сезони за неделна плата од 135.000 евра. Тимот од Кнежевството експресно реагираше и преку бритаски „Скај“ порача дека фудбалерот не е продаден