Турција не им го врти грбот на ЕУ и на НАТО со тоа што ги нормализира односите со Русија и очекува за еден месец земјата да биде ослободена од визната обврска за нејзините граѓани за патување во земјите на Шенген зоната.

Ова го изјави министерот за надворешни работи на Турција Мевлут Чавушоглу за грчкиот весник Катимерини во интервјуто објавен денес.

“Односите на Турција со Русија не се алтернатива на нашето партнерство и сојузништво со Западот. Нашите обврски кон НАТО остануваат и понатаму цврсти”, рече министерот додавајќи дека Анкара и понатаму ќе ги исполнува обврските кон ЕУ и очекува и ЕУ тоа да го стори.

ЕУ и Турција потпишаа договор за мигрантите во кој Анкара се обврза да не ги прима мигрантите на своја територија а ЕУ за возврат вети дека ќе ја ослободи Грција од визната обврска за Шенген зоната.

ЕУ и САД остро ја критикуваа Турција по неуспешниот воен удар поради апсењето на илјадници новинари, академици, професори, полицајци или војници обвинети за поддршка на воениот удар.

ЕУ тврди дека нема да може да го либерализира визниот режим за Турција доколку продолжат апсењата.

Според министерот, Турција нема да ги спречува мигрантите да тргнат кон Европа доколку ЕУ не го исполни ветувањето за ослободување од визи за турските граѓани.

“Очекуваме ослободувањето од визи да настапи во октомври 2016 година”, рече Чавушоглу.

Односите помеѓу Турција и Русија се заладија откако Турција пукаше кон руски авион кој го нарушил турскиот воздушен простор. Турскиот претседател се сретна на 9 август со рускиот колега Владимир Путин и за време на оваа средба доби извинување за воздушниот инцидент.