Челзи го доби лондонското дерби со Тотенхем во второто коло во Премиерлигата за прва победа во сезоната. „Сините“ славеа на „Вембли“ со 2:1 со два прекрасни гола на Маркос Алонсо, единствениот за домашните беше дело на Миши Бачуаи по само три минути од влегувањето во игра на местото на Алваро Мората.
Тимот од „Стемфорд бриџ“ поведе во 24 минута по слободниот удар што шпанскиот интернационалец го изведе во стилот на Дејвид Бекам и стекната предност одлично ја чуваше во најголем дел од средбата предизвикувајќи фрустрации кај играчите на Маурисио Покетино.
Залудни беа обидите на „спарси“ за израмнување и покрај статистичките показатели што длабоко беа на нивна страна. Имаа 68 отсто посед на топка наспроти 32 отсто на Челзи и упатија 18 удари кон голот на Тибо Куртоа за разлика од 10. на шампионот, шест од нив беа во рамки на стативите и изведоа дури 11 корнери повеќе (14-3). Нивните обиди за израмнување траеја како цела вечност, па кога самите не можеа до 1:1, помош добија од белгискиот репрезентативец кој само што втрча во терен го матира својот клупски колега и сонародник.
https://www.youtube.com/watch?v=F2A21FcvheE
Меѓутоа двата удара што „сините“ ги насочија кон противничкиот гол завршија во мрежата. Стрелецот на водечкиот погодок за Челзи беше стрелец и на победничкиот во 88 минута. Одлично ја следеше и истрча полуконтрата што го поведе Канте и по асистенција на Педро стави точка на триумфот за симнување на голем товар од грбот на Бачуаи, но и на Конте.
Во вториот меч од денешната премиерлигашка програма Хадерфилд го совлада Њукасл со 1:0.