Фудбалерите на Реал Мадрид за првпат по сезоната 2009/10 ги завршува настапите во Лигата на шампиони во осминафиналето. Тогаш беа елиминирани од Олимпик Лион, сега од Ајакс, јунак на двомечот тогаш беше Миралем Пјаниќ, сега Душан Тадиќ.
По триумфот на Светското клупско првенство, „кралскиот“ клуб останува без шанси за нов трофеј до крај на сезоната. Барселона го исфрли од Купот на Шпанија во минатата недела, Каталонците имаат недостижни 12 бода предност во домашното првенство, а вечерва останаа и без Лигата на шампиони.
„Никогаш не сум се чувствувал вака непријатно. Во една недела загубивме се и тоа дома. Не смееме да бараме изговори, Ајакс беше подобар. Тешко е да се вратите по два пораза од Барселона на домашен терен. Сè отиде во неврат во една недела. Не би рекол дека ова е крај на една ера. Имаме млада екипа пред која се големи работи, но јасно е дека оваа сезона нема што повеќе да бараме“, рече Дани Карвахал по елиминација на Реал Мадрид од Ајакс во осминафиналниот двомеч во ЛШ.
Честитки на адреса на Ајакс упати и Емилио Бутрагењо кој призна дека Холанѓаните биле подобар ривал во Мадрид и изрази жалење за навивачите. Разочарување истакна Начо Фернандез кој вели дека „кралевите“ не се навикнати да не се борат за трофеј во овој дел од сезоната и смета дека можеби е момент за клубот да тргне во друг правец.