Published: Tuesday, August 18, 2020 10:22
Лидерите на СДСМ и на ДУИ, Зоран Заев и Али Ахмети, согласно вчерашната најава, денеска ќе одржат средба на која, како што дознава Нова ТВ, се очекува официјализирање на договорот за постоизборна коалиција на двете партии што ќе значи формирање на парламентарно мнозинство и составување на нова влада.
Основа на договорот е преговарачката рамка со Европската Унија (ЕУ) со акцент на реформите во областа на владеење на правото. Премиер во четиригодишниот мандат на новата Влада ќе биде Зоран Заев.
Нова ТВ дознава дека ДУИ во преговорите ги добиле министерствата за надворешни работи и за финансии. Досегашниот премиер Оливер Спасовски ќе се врати во Министерството за внатрешни работи (МВР) од каде ја презеде функција премиер на техничката Влада, додека Никола Димитров од МНР заминува во Министерството за правда.