Американската компанија „Џонсон&Џонсон“ денеска соопшти дека оваа година очекува 3,5 милијарди долари приход од вакцината против ковид-19, благодарение на ублажените проблеми во снабдувачкиот синџир и зголемената побарувачка.
Вкупните приходи на компанијата се зголемија за 13,6 отсто во минатата година, достигнувајќи 93,8 милијарди долари. Со исклучок на продажбата и купувањето на имот, приходот е зголемен за 12,8 отсто. Нето добивката се зголеми за 42 отсто во 2021 година и достигна 20,9 милијарди долари.
Уделот на вакцината во вкупниот приход се очекува да биде мал, бидејќи „Џонсон&Џонсон“ ја продава по цена што не гарантира огромна заработувачка.
„Џонсон&Џонсон“ моментно работи на одвојување на Одделот за здравје на потрошувачите и планира да се фокусира на бизнис со медицински уреди и фармацевтски производи.