Запленување на имотот на Борис Бекер и распродажба на освоените трофеи на аукција. Германските медиуми известуваат за крајно неповолната финансиска состојба во која западна поранешната легенда на светскиот тенис и тренер на Новак Ѓоковиќ, а моментно шеф на секторот за тенисери при тенискиот сојуз на Германија. Загубите што произлегоа од неговите лоши инвестиции, како сомнителниот бизнис со нафта во Нигерија, се проценуваат на повеќе од 100 милиони евра.
Долговите на Бекер изнесуваат 61 милион евра што е многу повеќе од првичните побарувања од 3,5 милиони евра, пишуваат магазините „Штерн“ и „Бунте“. Затоа, како што пренесуваат, е почнат процес на распродажба на имотот на славниот тенисер во кој се вклучени и три трофеи од Вимблдон, два од Австралија опен и еден од Ју-Ес опен, а конфискувани се и четири скапоцени часовници со вкупна вредност од 50,000 американски долари.