Хрватското Министерство за здравство потврди дека почнало со испорака на донацијата од 50.000 дози вакцини против ковид-19 за Босна и Херцеговина, за Црна Гора и за Косово.

Донацијата ќе биде доставена во рок од четири дена, до 7 јуни, и содржи вкупно 50.000 дози вакцини, од кои 30.000 дози се наменети за БиХ.

По 10.000 дози ќе одат во Црна Гора и во Република Косово, одлучи владата пред еден месец во Одлуката за испраќање хуманитарна помош во БиХ, во Црна Гора и во Косово.

Од 30.000 дози на вакцини на Астра Зенека за БиХ, 15.000 дози се наменети за Универзитетската клиничка болница во Мостар, а останатите 15.000 дози за соодветни здравствени установи во БиХ.

Министерството за здравство наведува дека примателот не сноси никакви трошоци поврзани со испораките и дека финансиските средства се обезбедени од државниот буџет на Република Хрватска за 2021 година и проекциите за 2022 и 2021 година.