Published: Sunday, December 8, 2024 11:23
Универзитетската професорка Маја Бојаџиевска е добитник во областа на воспитанието и образованието, а во областа на културата и уметноста годинава се наградени писателот Милован Стефановски, сликарот Мирослав Масин и актерот Рефет Абази.
Државната награда „Св. Климент Охридски“ е највисоко признание за долгогодишни остварувања во областа на воспитанието, образованието, културата, уметноста, здравството, заштитата и унапредувањето на човековата околина и во социјалната дејност од јавен интерес на Република Северна Македонија.
Одлуката за годинашните добитници на наградата ја донел Одбор под претседателство на Томислав Османли.