Емил Ниами е единственото лице кое донирало финансиски средства (10.700 денари) на „Левица“ за изборната кампања за предвремените парламентарни избори што се одржаа на 15 јули. Донациите ги објави Државниот Завод за ревизија и се базираат на партиски извештаи.
Тоа е во делот на приходи од донации. „Левица“ прикажала и сопствени приходи што биле трансферирани од редовна сметка на партијата во износ од три и пол милиони денари или околу 57.500 евра.
Владеачката СДСМ која на изборите ја предводеше коалицијата „Можеме“ прибрала донации од 14,2 милиони денари или околу 231.000 евра, со дознака „донација за изборна кампања“ на сметка на ВМРО-ДПМНЕ „легнале“ 33 милиони денари или околу 538.000 евра, покажуваат нивните извештаи.
Демократската Унија за Интеграција (ДУИ) добија донации во вкупен износ од четири и пол милиони денари или околу 74.000 евра додека Демократската Партија на Албанците (ДПА) за финансирање на кампањата за изборите добила еден милион денари донации или 16.700 евра.