Европската комисија соопшти дека според Уставот на Шпанија, вчерашното гласање во Каталонија е нелегално, но порача дека и насилството никогаш не може да биде инструмент во политиката и притоа ги повика сите страни на дијалог.
Во соопштението по повод „настаните во Шпанија“, ЕК истакнува дека за Комисијата, како што повторил нејзиниот претседател Жан Клод Јункер повеќепати, тоа е внатрешно прашање на Шпанија кое треба да биде решено во рамките на уредувањето на земјата.
-Повторуваме дека ставот што го застапува оваа Комисија е истиот законски став што го имала и претходната администрација на Комисијата. Доколку референдумот беше организиран во согласност со Уставотна Шпанија, тоа би значело дека тероторијата која ја напушта земјата би се нашла надвор од ЕУ, додаваат од Комисијата.
Освен законскиот апскт, според Комисијата, ова е време за единство и стабилност, а не за фраментација и поделби.
-Ги повикуваме сите релевантни страни брзо да тргнат од судир кон дијалог. Насилството никогаш не може д абиде инструмент во политиката Веруваме дека премиерот на Шпанија Маријано Рахој же го решава овој тежок процес со целосно почитување на шпанскиот Устав и основните права на граѓаните кои се содржани во него, велат од Комисијата.
Претставникот на каталонскиот регион во Брисел Амадео Алтафаж за белгиското радио денеска изјави дека Каталонија очекува конструктивна реакција од ЕУ и европско медијаторство за отворање дијалог помеѓу Мадрид и Барселона.
Претседателот на шпанската покраина Каталонија Карлес Пучдемон оцени дека е неопходно меѓународно посредништво за решавање на кризата меѓу Мадрид и Барселона.
-Потребно е присуство на трета страна и тоа меѓународна која би била поефикасна, рече Пучдемон пред новинарите во Барселона и додаде дека сака да биде создадена „порелаксирана атмосфера“.
Каталонската влада на денешната затворена седница ги разгледува натамошните чекори кон прогласување независност.
Деведесет отсто од гласачите на вчерашниот референдум во каталонија гласале за независност на овој регион на Шпанија, официјално е објавено во Барселона врз основа на прелиминарните резултати од гласањето кое Мадрид го прогласи за незаконско.