Регулаторната агенција за лекови на Европската Унија (ЕУ) изрази сомнеж за потребата од четврта доза на вакцина против коронавирусот и порача дека моментно нема податоци што поддржуваат таков пристап, бидејќи се потребни повеќе информации за брзорастечкиот сој Омикрон.

Додека користењето на дополнителни бустери може да биде дел од резервните планови, повторните вакцинирања во кратки временски интервали не би претставувале оддржлива стратегија на долг рок, рече на брифинг за медиумите, Марко Кавалери, раководител на стратегијата за вакцинирање на Европската агенција за лекови (ЕМА).

Тој изрази загриженост дека стратегијата за давање на бустер дози на секои четири месеци, потенцијално претставува ризик од преоптоварување на имунолошкиот систем и може да придонесе за замор на населението.

Кавалери, исто така, нагласи дека се потребни повеќе податоци за ефектот на новата варијанта на вакцини и подобро разбирање на еволуцијата на актуелниот бран за да се донесе одлука дали е потребна посебна вакцина за Омикрон сојот.

Од ЕМА порачаа дека во моментот се разговара со производителите на вакцини во случај да биде потребна ажирурана вакцина и додадоа дека било каква промена од тој тип треба глобално да се координира.