Published: Saturday, October 14, 2017 10:24
Турскиот претседател Реџеп Таип Ердоган побара од лидерите на земјите членки на ЕУ да се изјаснат дали се за или против влезот на Турција во ЕУ. И тоа, според Ердоган, треба да го направат на следниот самит на ЕУ закажан за следната недела.
“Дајте ја вашата изјава и да ставиме крај на оваа работа. Ние немаме потреба од вас”, изјави тој на митинг на неговата партија.
На самитот следната недела една од точките на дневниот ред се односите со Турција.
Преговорите за членство на Турција се замрзнати од 2015 година и неуспешниот пуч во оваа земја поради бранот репресија што следеше. Особено се напнати односите со Германија. Канцеларката Ангела Меркел, во текот на изборната кампања, вети дека со ЕУ ќе разговара за крај на преговорите со Анкара.