ЕУ и САД немаат “заеднички став” околу Русија, изјави денес престедарелот на Европскиот совет Доналд Туск по средбата со неговиот имењак Доналд Трамп во Брисел. Ова беше првата средба на лидерите на ЕУ со новиот американски претседател.
“Моето чувство е дека ние се согласуваме за многу работи…. но некои прашања остануваат отворени, како на пример климата и трговијата”, изјави Туск пред новинарите по средбата со Трамп.
“Не сум 100 посто сигурен дека можеме да кажеме, претседателот Трамп и јас, дека имаме заеднички став и заедничко мислење за Русија”, подвлече тој. Сепак, двајцата лидери имаат исто мислење за ситуацијата во Украина.
Туск пред Трамп подвлекол дека е значајно да се консолидира слободниот свет околу западните вредности:
“Нашата најголема задача денес е да го консолидираме слободниот свет околу западните вредности а не само околу интересите”.