Авганистанка се породи во авион (Ц-17) за евакуација од Кабул, по слетување во базата „Рамштајн“ во Германија, и на свет донесе здраво женско бебе.
Компликациите кај жената почнале додека леталото било на височина од 8.534 метри, при што дошло до спуштање на воздушниот притисок.
Командантот на авион реши да се спушти на помала височина за да го зголеми воздушниот притисок, што помогна за стабилизација и спасување на животот на мајката, се наведува во твитот на официјалниот налог на Командата за воздушна мобилност на САД.
Во моментот кога авионот ја допре пистата во германската база „Рамштајн“, медицинскиот персонал го почна процесот на породување на Авганистанката. По породувањето, мајката и бебето се пренесени во околната медицинска установа и двете се чувствуваат добро.
Medical support personnel from the 86th Medical Group help an Afghan mother and family off a U.S. Air Force C-17, call sign Reach 828, moments after she delivered a child aboard the aircraft upon landing at Ramstein Air Base, Germany, Aug. 21. (cont..) pic.twitter.com/wqR9dFlW1o
— Air Mobility Command (@AirMobilityCmd) August 21, 2021
Германската база „Рамштајн“ стана централа за престој на американските авиони Ц-17, со цел на растоварување на базата во Катар во која настана голема мешаница со оглед дека голем број од авионите со евакуирани Авганистанци од Кабул слетуваат токму во неа.