Фенербахче триумфира и во втората пресметка со шампионот ЦСКА во кошаркарската Евролига во оваа оваа сезона. Турскиот состав беше подобар на домашен терен од московјани со 77:71 (по четвртини: 15:14, 21:26, 24:11, 17:20) во натпревар од 21 коло по кое е четврти на табелата со биланс од 14 победи и 7 порази наспроти Русите кои се втори со 15 победи и 6 порази.
Перо Антиќ одигра 20 минути против ЦСКА и мечот го заврши со 9 поени. По еднаш од два обида беше прецизен во рекетот и од линијата за слободни фрлања и стоотстотен во ударите за тројка (2/2). Забележа и еден офанзивен скок и четири дефанзивни и украде една топка во големиот триумф на Фенербахче.
Најефикасен во победничката екипа беше Удо Екпе со 15 поени, Богдан Богдановиќ уфрли 12, а Луиџи Датоме 10. Прв стрелец на средбата беше гостинскиот плејмејкер Нандо Де Коло со 23 коша.
Изненадувачка победа извојува Жалгирис над Барселона. Литванскиот првак ги надигра Каталонците во Каунас со 89:85 што е нивни 13 пораз во сезоната. Бросе Бамберг го победи Макаби Тел Авив со 90:75, резултат со кој и Олимпијакос го совлада Уникс во Казан.