Екипите на ЦСКА М. и на Фенербахче поведоа со 1:0 во четвртфиналните серии во Евролигата. Рускиот гигант ја декласира Басконија со 94:68 (по четвртини: 23:24, 21:16, 29:12, 21:16) и тоа благодарение на шутерското шоу во третиот период за огромни +21 (73:52) пред завршните десет минути. За два дена во Москва е закажан и вториот меч.
Идентична судбина доживеа Жалгирис. Фенербахче пред своите навивачи го разби литванскиот состав со 76:43 (по четвртини: 15:13, 23:8, 21:14, 17:8). Турскиот тим не застана во ниту еден момент, тренерот Жељко Обрадовиќ им овозможи минутажа на сите играчи во ростерот додека кај гостите од Каунас ама баш ништо не одеше од рака. Вториот дуел во серијата е, исто така, во петок во Истанбул.
Утре ќе бидат стартуваат и останатите две четвртфинални серии. Анадолу Ефес е домаќин на Барселона додека Реал Мадрид го пречекува Панатинаикос.