ЕУ, не Европа како континент зашто има, нели, и други држави, го живее својот најлош период од денот кога е формирана во ваков формат. Од моментот кога и ако “пукне” врската меѓу Франција и Германија, ЕУ престанува да постои.
Славе Младеновски
Да, во слободен. А дали тоа значи и пад во економијата, политиката домашна и меѓународна, култура и да не редам. Постои целосно нарушување на сите мерливи индикатори.
Она што беше во изминатиот период додека не беа во судир со политиката на САД, најсилната страна – функционирање на бирократијата, сега се јавува како камен со ортома околу вратот. Оваа иста европска бирократија која се гордее со своите измислени правила и ги наметнува на сите мали и слаби држави, сега е доведена во хаотична состојба поради непослушност на еден, на двајца, а сигурно ќе бидат многу повеќе, бара прекршување на утврдените правила. Вредностите се жртвуваат за заштита на интересите, пропагандата не престанува да произведува непријатели околу нас, а најчесто тоа е оној што е против политиката на актуелната власт.
Ние овде во регионот се наслушавме во овие две децении дека има патриоти и предавници. Според, досегашното искуство и актуелните состојби нашиот народ вели: “мечката заигра и во нивниот двор”.
Како се чувствува романскиот граѓанин што гласал за одредена политичка личност, на пример, а тоа право му се поништува.
Висок функционер на американската држава веднаш го лоцира проблемот дека нешто што е против волјата на граѓаните не може да биде демократија. Во слободна интерпретација, романскиот граѓанин што му е поништен гласот смета дека живее во диктатура , од една страна и јасно се спротивставува на подршката на таквата политика на ЕУ, од друга страна.
Во наредниот период ќе се вршат последните подготовки и договори на САД, Русија и Кина за демонтажа на ЕУ. Со други зборови тие го гледаат својот интерес што е целосно во спротивност со интересите на државите членки на Унијата. Прашање на време е кога по одделни прашања државите ќе истакнат спротивни ставови.
Изборите во Европа ќе бидат генератор на големите промени во ЕУ. Таа промена се очекува да биде демократска со победа на избори на партии што ги нарекуваат десница, десница околу центар и крајна десница. Дали навистина тие се непријатели на државата и на општеството не може да се тврди целосно, бидејќи лагата и лажните вести, а со тоа и манипулациите се секојдневни од сите можни извори.
ЕУ, не Европа како континент зашто има, нели, и други држави, го живее својот најлош период од денот кога е формирана во ваков формат. Од моментот кога и ако “пукне” врската меѓу Франција и Германија, ЕУ престанува да постои.
Од денешен аспект не е случајно што Велика Британија излезе од Унијата, а за што имаше поддршка токму од американската држава.
Од Фејсбук ѕидот на авторот