ФИФА со дозвола од Путин: Ждрепката за СП 2018 на 1 декември во Кремљ

Ждрепката за групите за Светското фудбалско првенство во 2018 година во Русија ќе се одржи на 1 декември во Кремљ во Москва. Настанот е потврден и на интернет страницата на ФИФА по дозволата на рускиот претседател Владимир Путин за користење на објекти од висок профил за потребите на церемонијата, стои во веста на Светската фудбалска асоцијација.

Ждрепката за квалификациските групи за мундијалот се одржа во јули во 2015 година во палата „Константиновски“ во Санкт Петербург што, исто така, е резиденција на Путин во тој град.

Почетокот на фудбалскиот мундијал е на 14 јуни догодина. Првиот натпревар на турнирот како и големото финале на 15 јули ќе се одиграат на стадионот „Лужники“ во Москва.