Фудбалската репрезентација на Македонија (ФФМ) претпладнево од Меѓународниот аеродром во Скопје отпатува за Букурешт каде ќе одигра два од трите меча во групата Ц на Европското првенство.
Прв ривал на „црвено-жолтите“ на Националната арена во романската престолнина ќе биде Австрија на 13 јуни (18 ч.), четири дена подоцна ќе следува и дуелот со Украина (15 ч.). Репрезентативците потоа ќе се преселат во Амстердам каде на арената „Јохан Кројф“ на 21 јуни (18 ч.) ќе играат против Холандија.
Дебитантскиот пласман на континенталните турнири беше обезбеден преку Лигата на нации. Македонија беше победник во групата со Ерменија, Гибралтар и Лихтенштајн, во полуфиналето го елиминира и Косово, а во финалето беше подобра од Грузија.
Националниот тим замина за Букурешт во одлична атмосфера што достигна највисоки размери по гостинската победа над Германија во квалификациите за СП 2022. На мини подготовките во Скопје одигра и два теста натпревара – против Словенија (1:1) и против Казахстан (4:0).