Денот на ослободување на Скопје (13 Ноември) е повод за утрешната фудбалска ревија меѓу ветераните на Црвена ѕвезда и фудбалски легенди од Македонија. Натпреварот е закажан за 13 часот на помошното игралиште на Работнички во Градски парк и идеја е на бизнисменот Трифун Костовски што за задоволство беше прифатена од домашните фудбалски авторитети. Дел од нив помогнаа во организација на настанот за збогатување на патрониот празник на главниот град преку контакти со
„Фудбалот е игра со која сме растеле и сè уште живееме. Ветераните на Црвена ѕвезда патувајќи низ повеќе места во светот сакаат да го популаризираат фудбалот како игра, забава и дружење меѓу луѓето. Овојпат одбравме ние да бидеме домаќини на екипата во која ќе се појават звучни имиња кои значат многу на поранешните ју-простори како Џаиќ, Савиќ, Караси, Шестиќ… Ги поканувам љубителите на фудбалот да дојдат и да дадат поддршка на овој настан“, изјави Трифун Костовски, поранешен градоначалник на Скопје.
Учество во натпреварот потврди и легендарната македонска „деветка“, Дарко Панчев кој ќе одигра по едно полувреме за двете екипи.
„Во чест на градот, на сеќавањата на убавите моменти во фудбалот, на пријателството, се вклучив да помогнам што подобро да ги пречекаме овие големи имиња кои значеле многу во регионот. Тие играчи биле наши идоли и на многумина други. Затоа ќе се потрудиме да мине во најдобар ред“, рече Панчев.
Во тимот на македонски ветерани, меѓу другите најавени, се Илија Најдоски, Пепи Георгиевски, Томче Трајановски, Митко Стојковски, Ванчо Мицевски, Драган Канатларовски, итн. Почетокот на натпреварот на теренот на Работнички во „Градски парк“ е во 13 часот.