Реал Мадрид го декласира градскиот ривал Атлетико со 3:0 во првиот меч од полуфиналето во фудбалската Лига на шампиони за голем исчекор кон мечот за титулата на „Милениум“ во Кардиф на 3 јуни. Огромната предност на „кралевите“ пред реваншот на „Висенте Калдерон“ ја обезбеди Кристијано Роналдо.
Португалецот погоди во 10 минута во 73. и во 86. за ново поместување на рекордните остварувања во елитното натпреварување.
Со вечерашните три гола, Роналдо стигна до бројката од 13 во полуфиналните натпревари и вкупно 52 во нокаут фазите во ЛШ. Првиот во мечот беше негов 101 вкупно и шест во последните 220 минути за ерупција од воодушевување на распродадените трибини на „Сантијаго Бернабеу“.
Воведниот судир во вториот полуфинален двомеч меѓу Монако и Јувентус е утре од 20.45 часот на „Луј Втори“.