Фудбалската репрезентација на Шпанија е шестата што успеа до Европското првенство во 2020 година на две кола до крајот на квалификациите. По ремито (1:1) против Шведска на „Френдс арена“ во Стокхолм, „црвената фурија“ се придружи на Полска, на Украина, на Русија, на Белгија и на Италија на континенталниот турнир во наредното лето. Херој во составот на Роберт Морено беше Родриго кому му е запишан израмнувачкиот гол во втората минута од судиското надополнување.
Финска, пак, го слави Тимо Пуки. Напаѓачот на Норич постигна два гола во убедливиот триумф (3:0) против Ерменија во Турку и ја доведе својата селекција на чекор до историски пласман на завршниците. Скандинавската репрезентација е втора во групата Ј со 15 бода, пет повеќе Ерменците и БиХ, а потврда на учеството на ЕП ќе има прилика да обезбеди во наредниот меч како домаќин против Лихтенштајн.
Во прилог на Финците им беше и резултатот од Атина каде Грција со автоголот на Ковачевиќ ја совлада БиХ со 2:1.
Квалификации за ЕП 2020 во фудбал
Група Д
Швајцарија – Република Ирска 2:0
Гибралтар – Грузија 2:3
Табела: Република Ирска 12, Данска 12, Швајцарија 11, Грузија 8, Гибралтар 0.
Група Ф
Шведска – Шпанија 1:1
Романија – Норвешка 1:1
Фарски Острови – Малта 1:0
Табела: Шпанија 20, Шведска 15, Романија 14, Норвешка 11, Фарски Острови 3, Малта 3.
Група Г
Израел – Летонија 3:1
Табела: Полска 19, Австрија 16, Македонија 11, Словенија 11, Израел 11, Летонија 0.
Група Ј
Грција – БиХ 2:1
Лихтенштајн – Италија 0:5
Финска – Ерменија 3:0
Табела: Италија 24, Финска 15, Ерменија 10, БиХ 10, Грција 8, Лихтенштајн 2.