Младата фудбалска репрезентација на Македонија влегува во подготвителен ритам за настап на претстојното Европско првенство во Полска. Селекторот Благоја Милевски денеска го одржа и првиот тренинг во центарот „Петар Милошевски“ крај Фудбалската федерација на Македонија (ФФМ).
Притоа е заокружен и конечниот список со 23 фудбалери кои ќе патуваат на завршиот турнир во Полска. На 17. стандардни, како што претходно и најави, Милевски додаде уште седуммина од генерацијата 1996/97 што наесен ја очекуваат квалификации за младинското ЕП 2020 во Италија.
„Поголем дел од нив беа во репрезентацијата и досега и заслужија повик и за Полска“, нагласи Милевски во чиј состав најмлади ќе бидат Елиф Елмаз и Давор Здравковски.
Покрај фудбалерите на Работнички и на Македонија Ѓ.П., во работата со У21 селекцијата се вклучени и Алекса Амановиќ од српски Јавор, Тихомир Костадинов од Злате Моравце (Словачка), Филип Илиќ од ерменски Гандзасар, вардарецот Петар Петковски и Јован Попзлатанов од Пелистер.
Европското првенство во Полска почнува на 16 јуни и ќе трае до 30 јуни. Македонија ќе се натпреварува во групата Б заедно со Србија, Португалија и Шпанија. „Црвената фурија“ ќе бидат ривал на тимот на Милевски во првото коло на 17 јуни во Гдиња (20,45 ч.), Србија во второто (20 јуни, 18 ч.) во Бидгошч и Португалија во третото (23 јуни, 20,45 ч.) во Гдиња.