Македонската женска фудбалска репрезентација ја забележа првата победа во квалификациите за пласман на Светското првенство во 2023 година, триумфирајќи вечерва над Летонија во Рига со 4:1 (2:1).

Гентијана Рочи веќе во 9. минута го отвори резултатот, а на 2:0 зголеми капитенот Наташа Андонова во 28. минута.

Само две минути подоцна противникот успеа да го намали резултатот преку Татјана Баличева и за момент да ја врати неизвесноста во натпреварот.

Во продолжението од средбата, избраничките на селекторот Кирил Изов постигнаа уште два погодоци, преку Улза Максути (51 минута) и Андонова (63 минута од пенал).

По три одиграни натпревари, македонските фудбалерки се наоѓаат на четвртото место во групата Д со три бодаи, а нивни нареден ривал во вторник во Охрид ќе биде селекцијата на Луксембург која е последнопласирана со два пораза.